skip to main
|
skip to sidebar
顥顥B成長點滴
2008年1月20日 星期日
原來衣架也好好玩
媽媽掛衫剩下一個衣架於沙發上,我好像發現新大陸般把玩,原來小朋友係咁意滿足,媽媽可省回錢不用買玩具了。
2008年1月12日 星期六
表哥2歲生日會
今日係天樂表哥2歲生日,姨媽幫佢係pizza hut開了個生日會,還準備了道具增加氣氛,媽媽把它你掛在我身上,在生日會中途,天樂爺爺還開手機電話的歌曲播給小朋友聽,於是我們一起跳舞,好似bb disco咁,非常熱鬧,我連奶也不飲,燦到party完為止才飲奶睡覺。
2007年12月9日 星期日
小熊與我
今天參加完sindy姐姐的觀禮,呀!唔係!她應該升任為Antie至真,好嘢!新年又多一封利是啦,全個過程我都好好笑容,不過啲大人突然間歡呼,嚇到我喊,一陣間,我又好快又回復笑容了,之後我哋一家人行又一城,與小熊維利拍照,我不知enjoy
2007年11月28日 星期三
BB變了豬頭炳
我的皮膚好嫩,所以好敏感,因臉上長了奶癬,於是塗上了天然的秘方,Suddenly變了豬頭,又紅又腫,真係嚇死媽媽,我又用手抓面,傷痕累累,此相已好了些了。
28.11.07 我的第一份聖誔禮物
還有1個月就聖誔節,但姨媽提前送了聖誕節禮物給我,等我可以優先試玩,原來是一部鋼片琴,還有揼波波,我很喜歡它。
2007年11月26日 星期一
媽媽今天煮了菜心做餸,我又好想食,於是給了我一條菜心,yummy...yummy 好食到停唔到口。
2007年11月25日 星期日
到 antie Maggie屋企家訪 與 兩方會談
今天得到 Antie Maggie的邀請到她家玩,途中經過一個公園,於是停下來影全家福,到她家後與嗲嗲進行兩方會談,因物價上升,一致同意將媽媽的家用增加50巴仙。
2007年11月24日 星期六
全職媽媽
今天是媽媽最後上班的一天,媽媽好唔舒得一班同事,但於工作感到很疲倦,白髮也多了很多,所以辭工湊我,做我的跟班,也不是一件易事,每天7時要起牀,然後起身飲奶,9時半帶我去公園與我的朋友仔見面,10時半返家睡覺,等我起身玩,睡覺、洗衫、洗奶樽,日日如是,又被我的五指抓臉、抓頭髮,真係唔易做,但這份工不同以往的工,因為是不可以辭職架!
2007年11月4日 星期日
今天是思玲表姨的畢業禮,我們全總動員出來理工大學拍攝。當日人生人海,啲著住袍的哥哥姐姐四處走來走去,睇到我不知幾開心,唔知幾時輪到我呢!
2007年10月21日 星期日
還有7天就6個月大..........自己企企
爸爸叫媽媽一定要把這張相片post上網,因為接近6個月大的我,第1次不用大人扶著可倚靠sofa自己企,為的是要玩棉花膠袋。
晚上到婆婆家吃飯,公公話:「兩老表d頭髮好長,一齊剪頭髮。」於是姨丈帶了電鏟來,表哥初時不知驚,還自己梳頭,後來聽到電鏟的聲,就喊著不肯剪,於是輪到我,只鏟了耳仔邊就喊,最終剪不成。
2007年8月24日 星期五
BB幾個月大就喜歡Blu口水,仲Blu到俾自己的口水濁親。還有第二款花式,就係身體敞著身體,頭向天,將口水儲起喉嚨,好似「郎口」咁,好得意,之後仲對住人笑添,有片你睇
2007.8.24 顥顥 4個月大
由於媽媽要返工,每個星期六都接我返屋企,星期日就送我返婆婆家,所以必定會與表哥相聚,表哥大我1年3個月,等我哋企係度高先。4個月大,常常抬頭不久就塊面笪咗係牀上,好舒服呀!動也不動,無佢符。
2007年8月13日 星期一
戴帽試範
第一款似打掃的小姑娘,第二款似戴了泳帽的游泳健將。
3個半月 Show Time!
我係露脾先生,哈哈!證明我無浪費爸爸媽媽的奶粉錢。
今日爸爸媽媽都放假陪我,又係去海港城,因為姨媽和Terri姐姐係嗰到返工,姨媽仲可以車我哋返企,於是約她們High Tea。
2007年8月5日 星期日
我最喜歡食手和玩口水,但有時扭計喊時又十分之嗲。
2007年8月4日 星期六
係加拿大讀書的表哥返港放暑假,第一次與他見面,影張相先!
2007年8月3日 星期五
BB每次沖涼係最開心的時候,有幾開心?睇下佢用腳淺起幾多水落地下就知,原本喺廳沖涼,結果都要搬回浴室,可能消耗太多體力,每次沖完涼後都要準備奶奶,如果唔係「大喊十」又再重現,由於唔俾BB食奶嘴,睡覺時唯有食手指。
2007年7月30日 星期一
3個月02日,坐立試範
3個月02日,我已經很硬正,剛剛飲完奶掃風,輕輕托BB背脊已經能坐,可能係喺媽媽肚時,日日飲鮮奶,所以咁硬正,出世一星期時掃風便能抬起頭來。
較舊的文章
首頁
訂閱:
文章 (Atom)
網誌存檔
1月
(2)
12月
(1)
11月
(6)
10月
(1)
8月
(8)
7月
(4)
6月
(7)
5月
(5)
4月
(1)
關於我自己
顥顥B
檢視我的完整簡介