原來衣架也好好玩

媽媽掛衫剩下一個衣架於沙發上,我好像發現新大陸般把玩，原來小朋友係咁意滿足,媽媽可省回錢不用買玩具了。

表哥2歲生日會

今日係天樂表哥2歲生日，姨媽幫佢係pizza hut開了個生日會，還準備了道具增加氣氛，媽媽把它你掛在我身上，在生日會中途，天樂爺爺還開手機電話的歌曲播給小朋友聽，於是我們一起跳舞，好似bb disco咁，非常熱鬧，我連奶也不飲，燦到party完為止才飲奶睡覺。

小熊與我

今天參加完sindy姐姐的觀禮，呀！唔係！她應該升任為Antie至真，好嘢！新年又多一封利是啦，全個過程我都好好笑容，不過啲大人突然間歡呼，嚇到我喊，一陣間，我又好快又回復笑容了，之後我哋一家人行又一城，與小熊維利拍照，我不知enjoy

BB變了豬頭炳

我的皮膚好嫩，所以好敏感，因臉上長了奶癬，於是塗上了天然的秘方，Suddenly變了豬頭，又紅又腫，真係嚇死媽媽，我又用手抓面，傷痕累累，此相已好了些了。

28.11.07 我的第一份聖誔禮物

還有1個月就聖誔節，但姨媽提前送了聖誕節禮物給我，等我可以優先試玩，原來是一部鋼片琴，還有揼波波，我很喜歡它。

媽媽今天煮了菜心做餸，我又好想食，於是給了我一條菜心，yummy...yummy 好食到停唔到口。

到 antie Maggie屋企家訪 與 兩方會談

今天得到 Antie Maggie的邀請到她家玩，途中經過一個公園，於是停下來影全家福，到她家後與嗲嗲進行兩方會談，因物價上升，一致同意將媽媽的家用增加50巴仙。

全職媽媽

今天是媽媽最後上班的一天，媽媽好唔舒得一班同事，但於工作感到很疲倦，白髮也多了很多，所以辭工湊我，做我的跟班，也不是一件易事，每天7時要起牀，然後起身飲奶，9時半帶我去公園與我的朋友仔見面，10時半返家睡覺，等我起身玩，睡覺、洗衫、洗奶樽，日日如是，又被我的五指抓臉、抓頭髮，真係唔易做，但這份工不同以往的工，因為是不可以辭職架！

今天是思玲表姨的畢業禮，我們全總動員出來理工大學拍攝。當日人生人海，啲著住袍的哥哥姐姐四處走來走去，睇到我不知幾開心，唔知幾時輪到我呢！

還有7天就6個月大..........自己企企

爸爸叫媽媽一定要把這張相片post上網，因為接近6個月大的我，第1次不用大人扶著可倚靠sofa自己企，為的是要玩棉花膠袋。

晚上到婆婆家吃飯，公公話：「兩老表d頭髮好長，一齊剪頭髮。」於是姨丈帶了電鏟來，表哥初時不知驚，還自己梳頭，後來聽到電鏟的聲，就喊著不肯剪，於是輪到我，只鏟了耳仔邊就喊，最終剪不成。

BB幾個月大就喜歡Blu口水，仲Blu到俾自己的口水濁親。還有第二款花式，就係身體敞著身體，頭向天，將口水儲起喉嚨，好似「郎口」咁，好得意，之後仲對住人笑添，有片你睇

2007.8.24 顥顥 4個月大

由於媽媽要返工，每個星期六都接我返屋企，星期日就送我返婆婆家，所以必定會與表哥相聚，表哥大我1年3個月，等我哋企係度高先。4個月大，常常抬頭不久就塊面笪咗係牀上，好舒服呀！動也不動，無佢符。

戴帽試範

第一款似打掃的小姑娘，第二款似戴了泳帽的游泳健將。

3個半月 Show Time！

我係露脾先生，哈哈！證明我無浪費爸爸媽媽的奶粉錢。

今日爸爸媽媽都放假陪我，又係去海港城，因為姨媽和Terri姐姐係嗰到返工，姨媽仲可以車我哋返企，於是約她們High Tea。

我最喜歡食手和玩口水，但有時扭計喊時又十分之嗲。

係加拿大讀書的表哥返港放暑假，第一次與他見面，影張相先！

BB每次沖涼係最開心的時候，有幾開心？睇下佢用腳淺起幾多水落地下就知，原本喺廳沖涼，結果都要搬回浴室，可能消耗太多體力，每次沖完涼後都要準備奶奶，如果唔係「大喊十」又再重現，由於唔俾BB食奶嘴，睡覺時唯有食手指。

3個月02日，坐立試範

3個月02日，我已經很硬正，剛剛飲完奶掃風，輕輕托BB背脊已經能坐，可能係喺媽媽肚時，日日飲鮮奶，所以咁硬正，出世一星期時掃風便能抬起頭來。